+374 77 26-24-20

Հայաստանը երեխաների աչքերով - 8 օր

  • Խմբային տուրեր
  • 8 օր / 7 գիշեր
  • Հնվ - Դկտ

1Օր

Երևան - Հաղթանակի զբոսայգի - Հայաստանի Պատմության Թանգարան - Տեր-Ղազարյանների Միկրոարվեսի Թանգարան - Տեռակոտա ստուդիա-արվեստանոց - Հանրապետության հրապարակ

Հաղթանակի զբոսայգի / Այցելեք հսկայական Մայր Հայաստան հուշարձան եւ Հաղթանակի զբոսայգի, որտեղից նաև կվայելեք Երեւանի հրաշալի համայնապատկեր
Հայաստանի Պատմության Թանգարան / Հայաստանի պատմության թանգարանը պահպանում եւ ցուցադրում է Հայաստանի եւ հայ ժողովրդի պատմությունը եւ մշակույթը ներկայացնող նմուշներ եւ հավաքածուներ. պալեոլիտի ժամանակաշրջանից մինչեւ մեր օրերի մոտ 400000 պատմական եւ մշակութային առարկաներ
Տեր-Ղազարյանների Միկրոարվեսի Թանգարան / Էդուարդ Տեր-Ղազարյանը համարվում է բացառիկ արվեստի՝ միկրոքանդակագործության հիմնադիրը: Աշխարհի ամենափոքր քանդակների թանգարանում ներկայացված են Վեներայի քանդակը, որը պատրաստված է մարդկու մազից էլ բարակ մարմարից, Չերլի Չապլինի արձանիկը՝ պատրաստված ասեղի անցքի մեջ եւ այլն
Տեռակոտա ստուդիա-արվեստանոց / Տեռակոտա ստուդիան անցկացնում է կավագործության Վարպետաց դասեր, որին կարող են մասնակցել 3-100 տարեկան անձիք. արվեստը տարիք չի հարցնում: Արվեստանոցի վարպետները կպարգևեն հանգիստ, ժպիտ և անկրկնելի հուշանվեր՝ սեփական ձեռքերով կերտված
Հանրապետության հրապարակ / Հանրապետության հրապարակը գտնվում է Երևանի սրտում և նախագծվել է ճարտարապետ Ալեքսանդր Թամանյանի կողմից 1924 թվականին: Հրապարակը զարդարում են երգող ու պարող շատրվանները, 2 թանգարան և կառավարական տպավորիչ շենքերը՝ կառուցված 1920-1950թթ-ներին: Հրապարակի կենտրոնում քարե նախշերով հսկայական սալահատակ է, որը բարձրից դիտելիս հիշեցնում է հայկական գորգ
Երևան / Վերցրեք ձեզ հետ անմոռանալի հիշողություններ Հայատանի 2800-ամյա, միևնույն ժամանակ երիտասարդ մայրաքաղաքից, որը հայտնի է որպես «Վարդագույն քաղաք»: Վարդագույն շենքեր, հնագույն ավերակներ, թանգարաններ, պուրակներ, երգող շատրվաններ եւ այլն

2Օր

Հայաստանի Բնության Պետական Թանգարան - Պոնչիկանոց - Երևանի կենդանաբանական այգի - Չարենցի կամար - Գեղարդի վանք - Գառնու Տաճար - Քարերի Սիմֆոնիա - Baking Lavash in Garni - master class of Sujukh

Հայաստանի Բնության Պետական Թանգարան / Այն տարածաշրջանում միակ բնության թանգարանն է: Ֆլորայի եւ ֆաունայի ավելի քան 6000 նմուշներ ներկայացնում են Հայաստանի բնության բազմազանությունը
Գրանդ Քենդի Պոնչիկանոց / Եթե դուք Երեւանում եք երեխաների հետ կամ առանց նրանց, ապա բաց մի թողեք Պոնչիկանոցը եւ համտեսեք պոնչիկ + կապուչինո
Երևանի կենդանաբանական այգի / Երեւանի կենդանաբանական այգին ներկայումս ունի մոտ 300 տեսակի 3000 առանձյակ: Դրանք են սիրիական գորշ արջերը, բեզոարյան այծերը և հայկական մուֆլոնները, իժերը եւ սև անգղերը: Կան նաեւ աֆրիկյան առյուծներ, վագրեր, կովկասյան լուսան, հնդկական փիղ և այլն
Չարենցի կամար / Չարենցի կամարը գտնվում է Գառնի-Գեղարդ տանող ճանապարհին: Այստեղից բացվում է չքնաղ տեսարան դեպի Արարատ լեռը
Գեղարդի վանք / Գեղարդի վանքն ընդգրկված է ՅՈՒՆԵՍԿՕ-ի համաշխարհային ժառանգության ցանկում: Այն հիմնադրվել է 4-րդ դարում:
Գառնու Տաճար / Գառնիի Տաճարը Հայաստանում պահպանված միակ հեթանոսական տաճարն է: Հունահռոմեական ոճի այս հիանալի տաճարը կառուցվել է մ.թ. առաջին դարում: Ժայռի եզրին տեղակայված տաճարից բացվում է տպավորիչ տեսարան դեպի Ազատ կիրճը:
Քարերի Սիմֆոնիա / Քարերի սիմֆոնիան կամ Բազալտե երգեհոնը բնական հրաշք է, որը գտնվում է Գառնու կիրճում: Բաց մի թողնեք աշխարհում ամենագեղեցիկ բազալտե սյուները տեսնելու հնարավորությունը
Լավաշի Պատրաստում Գառնիում / Հայկական ավանդական հացը` Լավաշը, որպես մշակույթի արտահայտություն, ընդգրկված է ՅՈՒՆԵՍԿՕ-ի մարդկության ոչ նյութական մշակութային ժառանգության ցանկում
Սուջուխի վարպետության դաս / Սուջուխի վարպետության դաս, որը երբեմն անվանում են հայկական սնիկերս

3Օր

Archeology course for children - Էջմիածնի Մայր Տաճար - Զվարթնոցի տաճար - Lara Chocolate Gallery

Հնագիտական դասընթաց երեխաների համար / Արհեստական ուսումնական պեղավայրում արհեստավարժ հնագետի օգնությամբ երեխաները կստանան տեսական գիտելիքներ և հնագիտական գործիքներով կիրականացնեն պեղումներ և կհայտնաբերեն հետաքրքիր գտածոներ: Յուրաքանչյուր մասնակից նվեր կստանա իր կողմից հայտնաբերված մեկ առարկա:
Էջմիածնի Մայր Տաճար / 301-303 թթ. կառուցված Էջմիածնի տաճարը Հայ Առաքելական եկեղեցու մայր եկեղեցին է: Այն համարվում է աշխարհի ամենահին տաճարը եւ ընդգրկված է ՅՈՒՆԵՍԿՕ-ի համաշխարհային ժառանգության ցանկում
Զվարթնոցի տաճար / «Ավերակների տաճարը» ներառված է ՅՈւՆԵՍԿՕ-ի համաշխարհային ժառանգության օբյեկտների ցանկում: Այն 7-րդ դարում կառուցված առաջին շրջանաձեւ եռահարկ եկեղեցին է: 3 դար անց այն ավերվել է երկրաշարժից: Այնուհետեւ հայերը սկսեցին կառուցել ավելի կայուն և ուղղանկյունաձև եկեղեցիներ
Lara Chocolate Gallery / Շոկոլադի վարպետության դաս

4Օր

Խոր Վիրապի վանք - Արենի-1 քարանձավ - Նորավանք - Բեկոր խաչքարագործություն - Շատին գյուղի բեզոարյան այծերին դիտարան - Զորաց եկեղեցի

Խոր Վիրապի վանք / Վանքի անվանումը նշանակում է «խոր փոս»: Բաց մի թողեք ստորգենտյա զնդանը, որտեղ 287-301թթ. Գրիգոր Լուսավորիչը բանտարկվել է Հայաստանի թագավոր Տրդատ III-ի կողմից: Խոր Վիրապ վանքից բացվում է հիանալի տեսարան դեպի բիբլիական Արարատ լեռը
Արենի-1 քարանձավ / Արենի-1-ը քարանձավային համալիր է, որտեղ հայտնաբերվել են աշխարհում հնագույն՝ 5500 տարեկան կաշվե ոտնամանը և հնագույն՝ 6100 տարեկան գինեգործարանը
Նորավանք / Նորավանքը 13-րդ դարի հիասքանչ վանական համալիր է, որը տեղակայված է կարմիր ժայռերով շրջապատված բլրի վրա
Բեկոր խաչքարագործություն / Խաչքարը սովորաբար մինչեւ 1,5 մ բարձրությամբ փորագրված քար է: Յուրաքանչյուր խաչքար եզակի է իր հորինվածքով: Հայկական խաչքարերի արվեստը ներառված է ՅՈՒՆԵՍԿՕ-ի ոչ նյութական մշակութային ժառանգության ցանկում
Բեզոարյան այծերի և արջերի դիտարան Շատին գյուղում / Շատին գյուղում Մաթևոսյան Մելիքի տունը ամենամոտն է գտնվում բեզոարյան այծերի և արջերի բնակության վայրին
Զորաց եկեղեցի / Զորաց եկեղեցին կառուցվել է 1303թ. եւ հայկական եկեղեցիների շարքում եզակի է իր ճարտարապետությամբ: Այն ունի նախասրահ, որտեղ զինվորները ձիերին նստած ստացել են եկեղեցու օրհնությունը ճակատամարտ մեկնելուց առաջ

5Օր

Ջերմուկ - Հարսնաձորի դիտակետ - Տաթևի ճոպանուղի - Տաթևի վանք

Ջերմուկ / Ջերմուկը լեռնային առողջարանային քաղաք է, որի անունը նշանակում է «տաք հանքային աղբյուր»: Այն գրավիչ է իր գեղեցիկ ջրվեժով, արհեստական լճերով, զբոսավայրերով, շրջակա անտառներով եւ հանքային ջրերով
Հարսնաձորի դիտակետ /
ՏաԹևեր / Տաթևի ճոպանուղին գրանցված է Գինեսի ռեկորդների գրքում որպես աշխարհի ամենաերկար հետադարձելի ճոպանուղին, որը առանց կանգառի անցնում է 5752մ: Այն դեպի Տաթևի վանք տանող ամենակարճ ուղին է՝ լի գեղատեսիլ եւ տպավորիչ տեսարաններով
Տաթևի վանք / Տաթեւի վանքը հայկական ճարտարապետության մարգարիտն է: Այն հիմնադրվել է 9-րդ դարում եւ եղել է միջնադարյան Հայաստանի հոգեւոր եւ կրթական կարեւորագուն կենտրոն

6Օր

Հին Խնձորեսկ քարանձավային գյուղ - Օրբելյանների իջևանատուն - Սևանա լիճ

Հին Խնձորեսկ քարանձավային գյուղ / Հին Խնձորեսկը միջնադարյան քարանձավային գյուղ է: Ժամանակի ընթացքում մարդիկ քարանձավներից տեղափոխվել են Խնձորեսկի նոր հատված: Ներկայումս գյուղի երկու հատվածները միմյանց միացնում է 160 մետր երկարությամբ ճոճվող կամուրջը
Օրբելյանների իջևանատուն / Ծովի մակերևույթից 2410 մ բարձրության վրա գտնվող Օրբելյանների քարավանատունը ամենալավ պահպանվածն է ողջ երկրում
Սևանա լիճ / Կապուտակ Սեւանը տարածաշրջանի ամենամեծ քաղցրահամ լիճն է: Շրջապատված լինելով Գեղամա լեռներով և գտնվելով ծովի մակերևույթից մոտ 2000մ բարձրության վրա՝ այն աշխարհում ամենաբարձրադիր լճերից մեկն է

7Օր

Սեւանավանք - Boat trip to Seagulls island - Դիլիջան - Կովկասյան ազնվացեղ եղջերուի բազմացման կենտրոն - Պարզ լիճ

Սեւանավանք / Սեւանավանքը գտնվում է Սեւանա լճի ափին, Սևանի թերակղզու բարձրադիր մասում: Ի սկզբանե, 874թ.-ին, վանքը կառուցվել է փոքրիկ կղզում, բայց ավելի ուշ, Իոսիֆ Ստալինի ժամանակ, ջրի մակարդակը ընկավ մոտ 20 մետր, իսկ կղզին վերածվեց թերակղզու
Նավարկություն դեպի Ճայերի կղզի /
Դիլիջան / Դիլիջանը առողջարանային քաղաք է, որը կառուցվել է Դիլիջանի ազգային պարկում: Այն աշխարհի եզակի քաղաքներից է, որը գտնվում է ազգային պարկի տարածքում: Բնություն, մշակույթ, պատմություն, խոհանոց, ՍՊԱ...
Կովկասյան ազնվացեղ եղջերուի բազմացման կենտրոն / Դիլիջան ազգային պարկի Կովկասյան ազնվացեղ եղջերուի բազմացման կենտրոն
Պարզ լիճ / Պարզ լիճը գտնվում է Դիլիջանյան խիտ անտառի սրտում: Լճի ջինջ ջրերը արտացոլում են շրջակա ծառերը ինչպես հայելին: Լճի տարածքում կարելի է զբաղվել նավարկությամբ, զիփլայնինգով եւ այլն

8Օր

Սաղմոսավանք - Հայոց այբուբենի հուշարձան - Ամբերդ - Այրուձի Հեծյալ Ակումբ

Սաղմոսավանք / Սաղմոսավանքը 13-րդ դարի բացառիկ վանական համալիր է, որը գտնվում է Քասախի վեհ կիրճի բարձրադիր հատվածում: Քանի որ «սաղմոս» բառը նշանակում է հոգեւոր երգ, իսկ եկեղեցու ակուստիկան զարմանալի է, այն անվանվել է Սաղմոսավանք
Հայոց այբուբենի հուշարձան / Հայկական այբուբենի այս անսովոր հուշարձանը բաղկացած է հայկական 39 տառատեսակների 2 մետր բարձրությամբ տուֆե զարդաքանդակներից
Ամբերդ / Ամբերդը 7-րդ դարի ամրոց է: Այն գտնվում է ծովի մակարդակից 2300 մետր բարձրության վրա և այդ պատճառով էլ անվանվել է Ամբերդ՝ «ամպերի ամրոց»
* Տուրը անհատական է և այն կարող է փոխվել ըստ ձեր ցանկության:

Անձ
* Նշված է ընդհանուր արժեքը

Ներառում է

  • Հարմարավետ տրանսպորտ և պրոֆեսիոնալ վարորդ
  • Օդորակիչ
  • Ջուր

Չի ներառում